Ho malalanao
Rédigé le Jeu 27 Sep, 2007 07:35:39 
Atolotra ho an'ireo tia ny namany rehetra fa tsy sahy miteny. ;)
HO MALALANAO
Toa vao haingana ihany no nahalalako anao
Fotoana fohy ihany hatramin'izao
Nefa tsy nifankafoy nifampiankin-doha
Mpinamana mahafatra-po
Na ny manodidina aza efa mananihany
Indraindray toa mahatonga saina ihany
Hoe izay misy anao dia tiako hisy ahy hatrany
Tsy mahafoy anao, marina izany
Fa efa zatra anao, zatra miaraka aminao
Efa zatra namanao
Ka ny ho malalanao, io indray no mba iriko
Ka ho malalako amin'izay no iantsoako anao
Mierikerika foana raha vao mandeha irery
Mitady anao sao lahy mba eny ho eny
Na ny nofiko aza rehefa matory
Raha vao tsisy anao dia manorisory
Rehefa iny ao oriory tsy mety izay atao
Misava avokoa raha vao antsoinao
Reo oram-pifaliana indray no hahatsapana
Fa tsy feno mihitsy raha vao tsy eo ianao
Fa efa zatra anao, zatra miaraka aminao
Efa zatra namanao
Ka ny ho malalanao, io indray no mba iriko
Ka ho malalako amin'izay no iantsoako anao
nary - 'Zay (IX 07)
Tonony fotsiny aloha fa mbola tsy nivoaka ny raki-kira.
NO PIRATE. Mdr ;)